كيف نحفظ بياناتك

طلبك نفسه: الأصناف والمبلغ والوقت ورقم الطلب. ورقم جوالك أو إيميلك بس إذا كتبته أنت وقت الطلب.

وإذا طلبت من الكاشير وسجّلت من «تنبيه طلبك»: رقم طلبك اللي على الورقة والوقت، ورقم جوالك بس إذا كتبته.

وإذا ضغطت «اطلب الجرسون»: رقم الطاولة والسبب إذا اخترته والوقت بس، بدون أي بيانات عنك، وينحذف بعد 30 يوم.

وإذا فتحت المنيو من رابط إعلان للمطعم: نوع جهازك والتطبيق اللي فتحت منه والمدينة، ورقم عشوائي في متصفحك عشان ما تنحسب الضغطة مرتين. ما نحفظ اسمك ولا رقمك ولا عنوان IP، وتنحذف بعد 400 يوم.

الجوال عشان يتواصل معك المطعم لو احتاج بخصوص طلبك.

الإيميل عشان يوصلك ملخص الطلب، إذا طلبته.

العروض ما توصلك إلا إذا وافقت عليها بنفسك، والموافقة منفصلة عن التنبيه والملخص.

نعدّ كم واحد فتح المنيو ووش تصفّحوا، بدون اسم ولا رقم جوال: متصفحك يحفظ رقم عشوائي خاص بهذا المطعم بس، والمطعم يشوف أعداد بس.

إذا طلبت، ينحفظ هذا الرقم مع طلبك عشان المطعم يعرف كم زيارة صارت طلب. وإذا كتبت جوالك أو إيميلك في نفس الطلب، يصير الرقم مربوط فيك عند هذا المطعم. لما تطلب حذف بياناتك، ينمسح الربط مع جوالك وإيميلك.

زيارات المنيو تنحذف بعد 90 يوم.

الطلبات تبقى عند المطعم لحساباته. رقمك وإيميلك ينحذفون متى ما طلبت من المطعم.

من صفحة طلبك اضغط «ما أبغى عروض»، وما توصلك عروض بعدها. أو اطلب من المطعم يحذف بياناتك كلها.

مِسنَد يستضيف هذي البيانات للمطعم. المطعم هو اللي يتعامل معك فيها، ومِسنَد ما يستخدمها لنفسه ولا يبيعها.